Junie 2020

Boesmanland Green Enterprise is een van drie plaaslike ondernemings in Loeriesfontein wat nou COVID-maskers vervaardig terwyl hulle ter selfde tyd werk aan die plaaslike gemeenskap verskaf. Die onderneming word 100% deur die plaaslike jeug besit.

Omdat talle mense hul werk en inkomste gedurende die staat van inperking verloor het, wou die windkragaanlegte van Loeriesfontein en Khobab plaaslike klein-, medium- en mikro-ondernemings (KMMO’s) en inwoners naaldwerkvaardighede aanleer om hulle die geleentheid te bied om ’n inkomste te verdien. Hierdie inisiatief vorm deel van die windkragaanlegte se ondernemingsontwikkelingsprogram wat toegespits is op COVID-19 verligtingshulp.

Die drie plaaslike KMMO’s genaamd DBM Businesses and Construction Services; RBB Enterprise; en Boesmanland Green Enterprise, is gekies om befondsing en ondersteuning in Mei te ontvang. Hulle word nou van materiaal voorsien om maskers te vervaardig. Die maskers sal dan deur die windkragaanlege van Loeriesfontein en Khobab gekoop word en verniet aan die plaaslike gemeenskap versprei word.

Die ondersteuningsmodel beteken dat ons nie alleenlik plaaslike maatskappye ’n hupstootjie gee nie, maar dat lede van die gemeenskap ook met maskers voorsien word sodat hulle hulself gedurende pandemie kan beskerm.

“Die ekonomiese voordele wat uit die ondersteuning van kleinsakeondernemings spruit is verreikend. Werk word in die proses geskep en inkomstes word gegenereer. Deur die maskers terug te koop word daar ’n mark vir die KMMO’s geskep. Hierdie volhoubare model word verder ondersteun deur die verskaffing van materiaal,” verduidelik Vanessa Fredericks, bestuurder van ekonomiese ontwikkeling by windkragaanlegte van Loeriesfontein en Khobab.

“Een van hoof oorwegings vir kwalifiserende KMMO’s was die verskaffing van werk aan lede van gemeenskap van Loeriesfontein en die versekering dat dit die plaaslike gemeenskap is wat voordeel uit die projek trek,” sê Fredericks.