November 2024

‘n Belangrike opgradering van ‘n gedeelte van die sanitasienetwerk in Loeriesfontein, geleë binne die Hantam Munisipale area, is suksesvol voltooi, met die doel om die lewens van plaaslike inwoners te verbeter. Die Loeriesfontein- en Khobab-windkragaanlegte, in vennootskap met die Hantam Munisipaliteit en UDS Africa Professional diensverskaffer en projekbestuurders, het hierdie inisiatief geloods om die dorp se noodsaaklike sanitasie-infrastruktuur te verbeter deur ‘n moderne watergedraagde rioolstelsel vir 23 huishoudings te installeer.

“Ons samewerking met die plaaslike munisipaliteit is ‘n noodsaaklike deel van ons langtermyn-verbintenis om die lewensbestaan van Loeriesfontein-inwoners te verbeter,” het Vanessa Fredericks, Ekonomiese Ontwikkelingsbestuurder vir Loeriesfontein- en Khobab-windkragaanlegte gesê.

Die projek se eerste fase, wat vroeër vanjaar voltooi is, het verouderde dreinering (en uiteindelik putlatrines) vervang met ‘n volhoubare rioolstelsel, wat 23 huishoudings bevoordeel het. Sewe plaaslike gemeenskapslede is gedurende hierdie fase in diens geneem, wat betekenisvolle werkskepping ondersteun het. Hierdie hupstoot in indiensneming strook met die breër doelwit om plaaslike ekonomiese groei te ondersteun en gemeenskapslede deur betekenisvolle werksgeleenthede te bemagtig.